1º de Primaria: Ao abeiro do carballo
Os alumnos da clase de 1º dirixidos pola profesora Isaura Abril, levaron a cabo o proxecto Ao abeiro do carballo .
Foi un proxecto de iniciación á investigación, no que se pretendía que os alumnos foran construíndo coñecementos a partires da observación periódica do ciclo vital do carballo e de varias especies asociadas.
O fundamental era potenciar a observación e a curiosidade, de estar atento a todas as posibles sinais que nos informan da presencia da vida que xira en torno a esta árbore.
Os alumnos tocaron, debuxaron, escoitaron e ata paladearon os cambios nos ciclos vitais dos animais e das plantas.
Contamos coa colaboración do Departamento de Bioloxia e Xeoloxia que nos cedeu lupas binoculares, prismáticos e microscopios para afondar aínda máis nas nosas observacións abríndolle aos rapaces unha nova fiestra ao mundo diminuto.
O calendario da actividade foi saíndo un pouco sobre a marcha, en función dos cambios que se producían ao longo do ano.
No primeiro trimestre traballamos coas landras: qué son, quén as come, porqué son tan amargas, etc.
Sementamos landras e plantámolas nun pequeno viveiro que fixemos na clase. Periodicamente mirábamos a súa evolución: a formación da raíz, despois o brote coas primeiras follas,etc. Unha vez tiñan un tamaño axeitado transplantámolas a unha maceta maior para poder ser plantado o curso que ven no antigo vertedoiro do concello.
Nos últimos dous trimestres, o eixo vertebrador da actividade foi darlle aos rapaces as ferramentas axeitadas para que de aquí en adiante podan traballar na recompilación de datos da natureza e os podan relacionar con variables climatolóxicas co fin de facer un calendario fenolóxico anual.
Para esto fixemos fichas mensuais de todo signo de vida que observamos ou escoitamos, dende a saída de novas follas, o canto dos paxaros, a emerxencia de eirugas e agallas, e como estos seres aparecían no momento xusto, remarcando a sintonía dos ciclos vitais.
Froito deste traballo, sobre todo do último trimestre, realizamos o seguinte video:
4º A de Primaria: Meteo rimas; o inverno
Os alumnos de 4º A de primaria dirixidos pola súa titora Rosa Nodar levaron a cabo o proxecto Meteo rimas.
Os rapaces de 4º analizaron os datos meteorolóxicos recompilados polos alumnos de 1º da ESO durante o inverno, e realizaron un resume en verso da evolución dalgunhas variables meteorolóxicas como a precipitación, xeadas, temperaturas máximas e mínimas, etc.
A actividade pretendía por un lado fomentar a curiosidade polo coñecemento das variables meteorolóxicas, a súa variación ao longo do tempo e o seu análise, e por outro xogar co léxico, a métrica e as rimas dun xeito atractivo e divertido.
Con todo esto , elaboramos unha copliña en verso que podedes ver no seguinte video:
